Jhajharba'an struktur drama

 Assalamualaikum potra potrena ibu kls 9

Mogha" kita sadhaja ghi' eparenge sehat laher bhaten sareng Guste Allah Swt.  Aamiin.🙏

Minggu beri' ibu apareng materi Mengidentifikasi struktur teks ludruk Samangken ibu ajharba'aghi bhagian bhagian struktur sareng penjelasannah.

Badha jhugha se nyoson struktur drama akadhi ebaba paneka: 

1. Judul

  Bhul- ombhul paneka menangka ghambaran dhari settong careta drama se badhi ekamaen. Biyasana bhul - ombhul paneka sadhaja ekaghabay kadhiponapa sopajha oreng kapencot terro onenga ponapa maksoddha, terro onenga kadhiponapa essena, ghampang ekaemodhi

2. Plot/alur

     Menangka ongrodhanna jhalanna careta se ngandha'aghi kabadha'an otaba settong kadhaddiyan kantos daddhi lebur bhakto etengghu oreng bannya'.

Macemma Alur engghi paneka :

a. Alur maju 

Naskah se nyareta'aghi dhari kadaddhiyan paleng awwal kantos kadhaddhiyan se dhi-budhi.

b. Alur mundur

Ongrodhanna careta se nyareta'aghi kadhaddhiyanna careta se emolae dhari panotobhan careta se biyasana aesse nasebbha tokoh dhi budhina, pas abhalik nyareta'aghi kadhaddhiyan se mamolan otaba se paleng ngadha'

c. Alur campuran

Careta se acampor antarana se ajhalan maju sareng se ajhalan nyorot otaba careta seajhalan nyorot nyandher dhari kadhaddhiyan se eyadha' epakabudhi, se budhi epaka'adha' tor sabhaliggha.

3. Perwatakan

Bateggha tokoh dhalem drama bisa katengal ebhakto acator, ghuli ennengnga, sareng salaenna.

Mela bateggha tokoh dhalem drama paneka badha se esambhat Tokoh protagonis, tokoh antagonis, tokoh tritagonis.

Adhasar jhalanna careta, badha se esambhat tokoh utama sareng tokoh tamba'an (pembantu)

4. Dialog

Catorra oreng se prappa'na amaen drama. Melana bhasa se eghuna'aghi bhasa se ghampang ekangarte oreng se nengghu, ampon epeleyaghi ca' oca' bhagus tor lerres, kong-langkong abhakto aghuna'aghi ondhaggha bhasa.

5. Anotasi / kramagung / setting.

Menangka jhajharba'an bhan- sabbhan "adegan" setting paneka esebbhut jhugan asal kadhaddhiyanna settong careta, sae se aropa kennengngan, bhakto, sareng kabadha'annepon.

6. Tema

Menangka pamangghi se poket se aghandhu' settong drama.

7. Amanat

Menangka pessen se aghandhu' dhalem careta se bhadhi epadhapa' dha' sadhaja oreng se nengghu.

8. Babak/adegan

Bha-sabbhan careta badha bhabhaghan. Bhan- sabbhan bhabhaghan aesse bhaghiyan careta se manabhi bhaghiyan careta epapolong bhakal dhaddhi careta se bhuto. Bhaghiyan careta paneka esambhat "adegan"