Mengidentifikasi ciri-ciri kebahasaan dalam teks Ludruk.

 Assalamualaikum potra potrena ibu kls 9 🙏

Tapangghi pole sareng ibu , kadhinapa khabharra?? 

 Mogha-mogha sae sadhaja bisa ngereng pangajharan bhs daerah e are mangken.

Panjenengan sadhaja maos materi ebabha paneka:

  Mengidentifikasi ciri-ciri kebahasaan dalam teks Ludruk.

Manabhi magharsare jhaba Tengnga badha kethoprak menangka tatengghun se ekaleburi ka'angghuy malepor ate,  magharsare jhaba temor jhugha badha ludruk menangka tatengghun ka'angghuy malepor ate tor sepaleng ekaleburi.  Sanaos dha-padha ka'anggghuy malepor ate,  tatengghun paneka badha parbhidhaepon bang sebang. 

onenga sampeyan ponapa se dhaddhi parbhidhana antarana ludruk sareng katoprak? 

Careta menangka sala settong se dhaddhi parbhidha'annepon engghi paneka careta se ekamaen. 

Manabi ludruk careta se ekamaen akor sareng kabadha'an/kaodhi'an re-sa'are, ( cerita rakyat/folklor) kantos dhaddhi pangaonengan/pangajharan dha'magharsare.  Dhineng katoprak abhakta careta jhaman kona sae se aropa "sejarah", dhungeng sareng samacemma. 

Dhineng Ludruk abhakta careta kaodhi'en re-sa'arena manossa,  mela tatengghun Ludruk paneka bannya'se ngaleburi, salaen dhari paneka Ludruk aghuna'aghi bhasa se ghampang ekangarte se nengghu,  mala sakadhang oreng se amaen neng ludruk aghuna'aghi bhasa ngakorraghi sareng ghuli enneng tor bhasa-bhasa se loco.  

Lalampa'an Ludruk epanta tello bhabhaghan engghi paneka ekabidhi sareng bhabhaghan 1. "tari ngremo", sa'ampona paneka aghante sareng bhabhaghan 2, con-locon (lawak), keng-bingkeng bhabhaghan 3 careta se badhi ekamaen.

Mongghu neng e Madhura Ludruk jhugha badha,  biyasana Ludruk se badha e Madhura engghi paneka tradisional. Se sapaneka kabadha'an Ludruk paneka ngakorraghi sareng kabadha'an se badha e Madhura,  sae caretana sareng bhakto aghuba'aghi bhasa Madhurana. "tari ngremo" ta'mabhi epabadha, otaba biyasana eghante'e sareng tari Ronding otaba Penca'Silat.  Badha jhugha se eghante'e sareng tari Topeng ghettak.