Menulis Skenario Ludruk

Assalamualaikum potra potrena ibu kls 9

Khadinapa khabarra are mangken?
Mogha" sehat sadhaja!! 
Mungghu  beri' ibu apareng materi Mengidentifikasi ciri-ciri kebahasaan dalam teks ludruk. 
Are mangken lanjut ke materi selanjuddha engghi paneka
 Menulis skenario ludruk 

pajennengan maos materi e bhabha paneka.

Menulis skenario Ludruk

Noles otabha nyoson careta ( skenario) drama ludruk kodhu nyare "tema" se bhakal epadhapa'a dha'para pamersa.  Se kapeng dhuwa'kodhu mele kabadha'an / sepat dhari "tema" ghapaneka, Ponapa mondhuddha tragedi, komedi, ponapa tragekomedi. 

Manabhi "tema" sareng kabadha'anna tema ampon etantowaghi, lajhu nyoson "struktur" drama akadhi neng lalampa'an 2, engghi paneka:

Nyoson: 

1. Judul (bhul-ombhulla)   drama. 

2. Plot/alur; mondhuddha alur maju, alur            mundur,  ponapa alur campuran 

3. perwataghan; nyare panglako (aktor/           aktris ) akor sareng kabhutowanna se         ekaparlo dalem lakon se emaksod, sakaleng    adha' sareng tek-bateggeh panglako      ghapaneka. 

4. Dialog; nyoson dha-kandhana lakon dhari awal kantos akher. 

Neng dialog paneka ajjha'loppa:

a. Neng dialog kodhu esellegghi " sen pessen
    moral" akor sareng tema ludruk 

b. Neng "proses" lakon khoduna jha'loppa 
    oca'- oca' se loco, menangka cere khas 
     ludruk,  nyoppre pamersa ta'arasa 
     bhusen, tape kabadha'an neng lakon

5. Anotasi /kramagung/ setting; 

a. Neng ondhaggha paneka parlo ejharba'aghi secara "historis" tombuna careta dha'lakon paneka, akadhi: kennengngan,  bhakto,  sareng kabada'an sareng laenna.

b. Kabhadha'an panggung kodhu eyakorraghi sareng kabadha'an se elakone. 

c. Jhugan kennengngan bhakto acator,  eyakorraghi sareng kabadha'an jhaman ebhakto ghapaneka. 

6. Setting

    Sapaneka jhuga "tata busana", angghuy sareng eyasanna se eyangghuy sareng panglakona,  ponapa se lake'otaba se bine',  otaba panglako "Figuran" panglako tamba'an, kodhu eyakorraghi sareng kabadha'an "kapasitas" otaba kennengnganna "posisi"na panglakona. Dhaddi neng bhabhaghan ghapaneka katon aghambharraghi kabhada'an kaodhi'anna settong "komunitas" otaba kaluarga.