Bhagiyan - bhagiyan Drama Modern

 Assalamualaikum  wr wb  potra potrena ibu kls 9 !!!!!🙏

Tapangghi pole sareng ibu e blogger mapel bahasa daerah. 

Kadhinapa kabharra are mangken, ? mogha- mogha ghi'epareghe sehat slamet lanjeng omor Aamin 🤲🏻

eyatore sampean sadhaja maos materi ebabha paneka

Bhagiyan-bhagiyan Drama Modern

Ampon ejharba'aghi e attas jha'drama paneka aropaghi macemma sastra se aropa'aghi kandhana tokoh e dhalem careta ka'angghuy epadhaddhi tatenggun e attas panggung. Tantona drama paneka aghandhu' bagiyan-bagiyan akadhi sastra laenna.  Bagiyan bagiyan paneka akadhi alur,  tokoh,  latar,  pakakas,  sareng bhasa se eghuna'aghi. 

Manabhi Alur paneka ebhandhinganghi sareng compo' , alur paneka aropa'aghi dhasarra settong careta.  Bhangon dhasarra careta paneka kabannya'an aropa mamolanna kadhaddhiyan,  apadhu,   padhuna tamba dhaddhi kantos mangghi jhalan ka'anghuy malastare padhu dhalem careta.  Ghalimpo'an kadhaddhiyan dalem careta neng settong drama esambhat bhabhaghan. 

Tokoh drama paneka aropa'aghi panglako se dhalem drama.  Panglako paneka kodhu aghandhu' tello' hal engghi paneka bagiyan fisiologis,  bagiyan sosiologis,  sareng bagiyan psikologis.  Bagiyan fisiologis aropa'aghi kabadha'anna bhadhan,  lake' otaba bine', sareng salerana.  Bagiyan sosiologis aropa'aghi pangkaddha,  sakola'anna,  aghamana,  ideologina,  sareng samacemma. Bagiyan psikologis aropa'aghi kapenterran,  babateggha,  pangala'na sareng samacemma. 

Latar paneka aropa'aghi kennengngan sareng bhakto settong kadhaddhiyan e dhalem careta. Drama paneka estona nero kabadha'an se saongghuna se lerres badha.  Polana nero,  drama tantona bhunten ta' sokkla akadhiya se saongghuna.  Ka'angghuy mapada sareng aghambharraghi kabadha'an se saongghuna, eghuna'aghi petodhu ka'angghuy alampa'aghi settonh lalampan.  Petodhu paneka esambhat Kramagung.  Dhineng kandhana tokoh esambhat wawancang. 

Pakakas paneka aropa'aghi ponapa se ekaparlo ka'angghuy mabada tatengghun eattas pangghung.  Hal se ekaparlo tokoh e attas pangghung akadhi kalambi,  beddha',  sareng hal se ekaparlo ka'angghuy pangghungngah,  akadhi dhamar sareng samacemmah.  Bhasa se eghuna'aghi e dhalem drama akor sareng babatek tor pangkaddha tokoh.  Manabi tokoh paneka babategghe kasar,  tantona bhasa se eghuna'aghi kasar.  Sabhaliggha manabi tokoh paneka bhabateggha alos,  tantona bhasana jhugan alos.  Sapaneka jhughan sareng pangkaddha tokoh.  Manabi pangkaddha maba,  akandha sareng tokoh se pangkaddha tengghi,  tantona bhasana alos sapaneka jhugan sabhaliggha.  

 Ampon se ka'dinto saos jhajharba'an dhari ibu. 

Wassalamualaikum wr wb.