Mengidentifikasi teks Drama modern

 Assalamualaikum potra potrena ibu kls 9🙏

Tapangghi pole sareng ibu e blogger e mapel bahasa daerah. Kadhinapa kabharra sae??  

Mogha" ghi'semangat sanajjan PJJ . Aamin. 🤲🏻  

Are mangken ibu molang 

Pangajharan Bab 4 

Mengidentifikasi teks Drama modern. 

DRAMA MODERN

Oca' drama aghandhu' arte engghi paneka macemma sastra se aropa'aghi kandhana tokoh edhalem careta ka'angghuy epadhaddhi tatengghun e attas panggung.

 Ponapa se ekacareta paneka aghambharraghi kadhaddhiyan se badha edalem kaodhi'en re-sa'are.                    Tantona se ngangghit drama ngaghunge bakto ka'angghuy mamaso' hal-hal se benne kadhaddhiyan e dalem kaodi'en re-sa'are.      Hal paneka sokkla dhari se ngangghit drama. 

Manabi se ekacareta e dalem drama paneka nombuwaghi rassa sossa tor neserra oreng se ngoladhi paneka esambhat drama Tragedi. Oreng se ngoladhi tragedi paneka kantos badha se agharabhas aeng soca.  Oreng se ngoladhi drama paneka jhughan regghet dha'ka tokoh se ngaghunge tengka lako ta'sae edalem careta. 

Manabhi se ekacareta edhalem drama paneka nombuwaghi rassa perak tor loco dha'ka se ngoladhi paneka esambhat drama Komedi.  Oreng se ngoladhi komedi paneka kasokan akel - bhacekel asabab caretana se badha e dhalem komedi paneka nombuwaghi rassa loco.  

Badha jhughan drama se ta'malolo loco sareng ta'malolo masossa dha' ka se ngoladhi.  Rassa perak tor loco sareng rassa sossana padha badha.  Drama se kadhi ka'dhinto esambhat Tragikomedi. 

Ampon saka'dhinto saos jhajharba'an dhari ibu

 Mator sakalangkong

Wassalamualaikum wr.wb.