Amaen Drama Modern sareng angka carakan madhura

 Assalamualaikum potra potrena ibu kls 9

Khadinapa khabarra are mangken?
Mogha" sehat sadhaja!! 
Mingghu  beri' ibu apareng soal badhi PH1

Are mangken lanjut ke materi selanjuddha engghi paneka
 Amaen drama modern sareng Angka carakan madhura

pajennengan maos materi e bhabha paneka

Amaen Drama Modern

Skenario drama se ampon eyangghit paneka tojjhuwanna ka'angghuy epadhaddhi tatenggun eattas panggung. Aktor sareng aktris se dhaddhi tokoh edhalem careta, tantona nyonto kadhaddhiyan se saongghuna.  Ponapa se eyaghem tokoh paneka nyonto kabadha'an se saongghuna.  Manabi edhalem kaodhi'an re-sa'are tokoh paneka ngaghem jaket,  edhalem careta tokoh paneka ngaghem jaket. Pangghung jhughan epapada sareng kabadha'an re-sa'are.  Manabi kadhaddhiyan paneka bada e ada'an kelas,  tantona pangghung paneka aropa adha'na kelas.  Sapaneka jhugan kadhaddhiyan laen e dhalem careta. Sapaneka jhughan sareng yuswaepon tokoh.  Manabi yuswaepon tokoh edhalem careta paneka seppo, neghale yuswaepon aktor sareng aktris paneka anom,  tantona aktor sareng aktris paneka eparenge  ebeddha' sopaja kaoladhan seppo. Sapaneka jhugan kadhaddhiyan laen edhalem careta. Manabi kadhaddhiyan edhalem careta naleka seyangnga,  nenghale drama paneka dhaddhi tatengghun lem-malem, tantona dhamar epatera' akadhi seyangnga. Sadhaja kadhaddhiyan malem naleka drama paneka seyangnga, tantona enyareyaghi cara sopaja akadhiya malem. Drama paneka langkong samporna manabi eparenge musik otaba tabbhuwan. kadhaddhiyan edhalem careta langkong genna' eghambharraghi manabi edhalem drama paneka eparenge musik otaba tabbhuwan.

Angka carakan madhura

Neng carakan madhura bhab angka jhugan ejharba'aghi akadhiya angka angka neng ejha'an laten. Tantoepon angka neng carakan madhura ta' padha sareng angka se badha e aksara laten 

Macem sareng bujuddha akadhi ebaba paneka

Cara aghuna'aghi angka carakan madhura: 

1. Angka madhura kodhu eyapet sareng padha pangkat (:)

2. Manabi etoles eyadha'na okara, kodhu eyapet // ( dhek- dhek) sareng padha pangkat (:)

Akadhi conto ebaba paneka

3. Manabi bada enga'- tengnga'anna okara, kodhu eyapet sareng padha pangkat (:) 

Akadhi conto ebaba paneka.

4. Manabi badha e pongkasanna okara , kodhu eyapet padha pangkat sareng longse (\\) 

Akadhi conto ebaba paneka

Ampon saka'dhinto jhajharba'an dhari ibu . Mator sakalangkong🙏