Mengidentifikasi struktur teks laporan kegiatan.

Assalamualaikum potra potre kls IX

 

Kadhinapa khabarre???

Mogha-mogha potra potrena ibu sadhaja dhalem kabadha'an sehat wal afiat

Are mangken ibu apareng materi Mengidentifikasi struktur teks laporan kegiatan. 

Sampean sadhaja moas materi eblogger otaba materi sebadha e buku halaman 126-127  manabi lastare maos sampean absen ekolom komentar carana ketik *engghi siap*  jha' kalep asma kelas sareng nmr absen. 

💥Mengidentifikasi struktur teks laporan kegiatan.💥

Sa'ampona sampeyan lastare nalekteghi contona kabhar/berta se ekaolle dhari settong  lalampa'an ( laporan kegiatan), ebaba paneka bhakal eterrangngaghi kalaban jharba bhab  keterrangannepon laporan kegiatan, carana abhadi lapporan kegiatan, jhugan bagiyan bagiyan se badha edhalem laporan kegiatan.

Kabhar/berta se ekaolle dhari settong lalampa'an (laporan kegiatan)

 Laporan kegiatan engghi paneka kabhar/berta ongghu-ongghu nyata badhana, se ekaolle dhari penale'teghan, pamareksa'an, jhugan parjhalanan.

Laporan kegiatan aghuna ka'angghuy:

a. Nombuwaghi rassa tangghunh jawab dha'ponapa se elampa'aghi.

b. Malastare mas'ala se badha

c. Menangka dhasar ka'angghuy apareng kapotosan

d. Ngaonenge dha' ka jhalanna mas'ala

e. Menangka pamareksa'an ka'angghuy kadamporna'an.

Dhineng bhangon-bhangon laporan kegiatan engghi paneka:

a. Khabar/berta settong kadhaddhiyan engghi paneka kabhar/berta se ekaolle dhari kadadhiyanna settong parkara.

b. Kabhar/berta parjhalanan engghi paneka kabhar/berta se ekaolle dhari kadaddhiyan sa'abiddha neng parjhalanan.

c. Kabhar/berta parembhagan engghi paneka khabar / berta se ekaolle dhari jhalanan, jhughan hasella parembhaghan( diskusi )

d. Kabhar/berta lalampa'an engghi paneka kabhar/berta se ekaolle dhari salatarena lalampa'an, akadhi lalampa'an marengeddhi are kamardhika'an, merengadhi are ka'aghama'an.

e. Kabhar/berta panalekteghan engghi paneka kabhar/berta se ekaolle dhari salastarena alampa'aghi panalekteghan, ka'angghuy kasamporna'anna panalekteghan.

Bagiyan-bagiyan se badha neng kabhar/berta se ekaolle dhari settong lalampa'an ( laporan kegiatan)

a. Bhul-ombhul

b. Pamokka'

c. Tojjhuwan

d. Bhakto sareng kennengngan

e. Oreng se ngereng

f. Esse

g. Panotop

    - Pokeddhan

    - Pangarep

Ampon saka'dhinto jhajharba'an dhari ibu mator sakalangkong 🙏🤗💪 

Wassalamualaikum wr wb.